पत्रकार सुरक्षा समिती जिल्हाध्यक्षपदी धुरंधरे

बीड ( प्रतिनिधी ) पत्रकार सुरक्षा समिती वतीने राज्यातील पत्रकारांच्या विकासासाठी उत्कर्षांसाठी त्यांच्या न्याय- हक्कांसाठी अनेक वर्षापासून वेगवेगळ्या स्वरूपाचे आंदोलने, उपोषण, निवेदन तसेच राज्यसरकार कडे पत्रव्यवहार करत असून या माध्यमातून राज्यातील पत्रकारांचे प्रश्न देखील राज्य सरकार कढून सोडवले आहेत परंतु

जेष्ठ पत्रकार समान पेन्शन योजना

राज्यातील सर्वच पत्रकारांची शासन दरबारात नोंदणी

यादीवर नसलेल्या सर्वच वृतपत्रानां पूर्वी प्रमाणे शासकीय जाहिराती

राज्यातील युट्युब व पोर्टल ला शासकीय मान्यता

प्रभावी पत्रकार संरक्षण कायदा

पत्रकारांसाठी विमा योजना आरोग्य योजना

अधिस्वीकृती पत्रिका मधील जाचक अटी रद्द करणे

पत्रकारांच्या वाहनानां टोल मधून सूट देणे

पत्रकारांच्या पाल्ल्यासाठी शिष्यवृत्ती देणे

खंडणी सारखे गंभीर गुन्हे दाखल असलेल्या पत्रकारांच्या बाबतीत स्वतंत्र अधिकारी मार्फत चौकशी

पत्रकारांवर होणारे हल्ले धमकी मारहाण

या सह राज्यातील पत्रकारांच्या प्रश्नावर पत्रकार सुरक्षा समिती प्रभावी पणे राज्यात काम करत असून अनेक वेळा पत्रकारांच्या प्रश्नावर आंदोलन उपोषण निवेदन व पत्रव्यवहार करत आहे. पत्रकार रोहित धुरंधरे यांना पत्रकारांच्या प्रश्नांची त्यांना चांगलीच जाणीव व कळकळ आहे.रोहित धुंरंधरे हे शेतकरी राजा या निर्भिड मराठी वृत्तपत्राचे मुख्य संपादक असून रोहित धुरंधरे हे नेहमीच पत्रकारांच्या अडचणीत नेहमीच धावून जातात धाडसी पत्रकार म्हणून त्यांनी बीड जिल्ह्यात आगळी वेगळी ओळख निर्माण केली आहे. रोहित धुरंधरे पत्रकारिता बरोबर रुग्ण मित्र सामाजिक फाऊंडेशन चे संस्थापक अध्यक्ष देखील आहेत. रुग्ण मित्र फाऊंडेशन च्या माध्यमातून त्यांनी बीड सह महाराष्ट्रात अनेक गोरगरिबांना वैद्यकीय मदत, शेकडो मोफत महाआरोग्य शिबीर, मोफत औषधी वाटप, मोफत किडणी डायलेसीस, मोफत सिटी स्कॅन, एक्सरे, सोनोग्राफी, रक्त तपासणी, हाॅस्पिटल बिलात सवलत व माफी मिळवुन देण्यासाठी ते सतत प्रयत्नशील असतात, म्हणुन त्यांची महाराष्ट्र भरात मोठी ओळख निर्माण झाली आहे. त्यांच्या कार्याची दखल घेऊन पत्रकार सुरक्षा समितीचे महाराष्ट्र प्रदेश अध्यक्ष यशवंत पवार यांनी पत्रकार सुरक्षा समिती च्या बीड जिल्हाध्यक्ष पदी त्यांची जाहिर पणे निवड केली आहे. त्यांच्या निवडीचे राज्य सरचिटणीस डॉ आशिषकुमार सुना, राज्य उपाध्यक्ष किरण बाथम, बाळकृष्ण सदाफुले, पश्चिम महाराष्ट्र अध्यक्ष रामभाऊ सरवदे, संघटक शंकर माने, कार्याध्यक्ष अप्पासाहेब करचे, सरचिटणीस मंगेश गायकवाड, उपाध्यक्ष बळीराम पवार, परभणी जिल्हा अध्यक्ष शेषराव सोपणे मामा ,परभणी जिल्हा सरचिटणीस प्रसाद पौळ, यवतमाळ जिल्हा अध्यक्ष राम राठोड, जालना जिल्हा अध्यक्ष डॉ निर्मल एस पी, सोलापूर जिल्हा अध्यक्ष दत्तात्रय पवार, महिला जिल्हा अध्यक्ष सुवर्णाताई सुना, जिल्हा संपर्क प्रमुख प्रशांत माळवदे, कार्याध्यक्ष सादिक शेख, सोलापूर शहर अध्यक्ष राम हुंडारे, पुणे जिल्हा अध्यक्ष वाल्हेकर, रायगड जिल्हा अध्यक्ष गौसखान पठाण, कोल्हापूर शहर अध्यक्ष उमेश जाधव, यांनी रोहित धुरंधरे यांना पत्रकारांच्या विवीध प्रश्न व समस्यांवर आवाज उठवण्याकरता त्यांच्या पुढील संघर्षमय वाटचालीस त्यांना अभिनंदन करून पुढील कार्यास शुभेच्छा दिल्या आहेत. या निवडीने महाराष्ट्र भरातुन रोहित धुरंधरे यांच्यावर शुभेच्छांचा वर्षाव होत आहे.